1. Føremål
Tilskotsordninga skal stimulere til auka aktivitet, synlegheit og deltaking innan folkemusikk og folkedans i Møre og Romsdal. MRFL set av ein årleg pott på kr 120 000 til formålet.
2. Kven kan søke
- Alle arrangørar kan søke, både enkeltpersonar, medlemslag, andre organisasjonar og uavhengige aktørar.
- Organisasjonar som ikkje er medlemmar i MRFL kan få støtte, men kan maksimalt få dekka eitt honorar per år.
- Medlemslag i MRFL, samt MRFL-medlemmar som sjølve arrangerer aktivitet, kan søke om fleire honorar per år.
3. Kva det kan søkast støtte til
- Honorar til utøvarar (musikarar, dansarar, instruktørar, formidlarar), inntil kr 6000 per person.
- Andre kostnader kan vurderast dersom dei klart bidreg til å styrke folkemusikkaktiviteten, men honorarstøtte blir prioritert.
4. Tildelingsprinsipp
- Midlane blir tildelte fortløpande gjennom året, så lenge det er midlar igjen i potten.
- Det blir lagt vekt på:
- At arrangementet bidreg til å styrke folkemusikkaktiviteten i Møre og Romsdal.
- At tiltaket blir godt synleggjort og marknadsført.
- At arrangementet er ope og tilgjengeleg for MRFL sine medlemmar.
5. Krav til marknadsføring
- All marknadsføring av arrangementet skal innehalde ein synleg tekst som viser at tiltaket har motteke støtte frå Møre og Romsdal Folkemusikklag.
- Arrangementet skal marknadsførast til MRFL sine medlemmar, til dømes via MRFL sine kommunikasjonskanalar (epost, sosiale medium, nettside, e.l.).
6. Utbetaling av tilskot
- Tilskot blir utbetalt etterskotsvis.
- Etter gjennomføring skal søkjar sende inn:
- Stadfesting på at arrangementet er gjennomført.
- Dokumentasjon på utgifter.
7. Avgrensingar
- MRFL kan avvise søknader dersom:
- Midlane er brukt opp.
- Tiltaket ikkje er i tråd med MRFL sitt føremål.
- Krav til marknadsføring eller tilgjenge for medlemmar ikkje er oppfylt.
8. Gyldigheit og endringar
- Desse statuttane gjeld frå dato for vedtak i MRFL-styret.
- MRFL-styret kan gjere endringar ved behov.
Send søknad til: mrfolkemusikklag@gmail.com
