Vil du spele og danse med oss?
Det er for mange spelemannslag og danselag vanskeleg å stille eige lag på kappleikar utanfor fylket. Folkemusikklaget og Folkemusikkarkivet ynskjer å samle spelemenn og dansarar til å stille i lagspel og lagdans under Landsfestivalen i Førde. Landsfestivalen er i perioden 2.-6. august og har fokus på runddans og runddansmusikk.
#MORO står for MØRE OG ROMSDAL FOLKEMUSIKLAG. Hensikta med laget er å:
1. Tilby samspel /lagdans i tevlingar der våre lokale spelemannslag ikkje deltek
2. Syne fram folkemusikktradisjon frå Møre og Romsdal i tevlingar der våre lokale spelemannslag ikkje deltek
3. Bygge folkemusikknettverk i fylket der folk blir kjent på tvers av lagstilhøyrigheit
4. Vere eit tilbod til alle medlemmar, det er inga opptaksprøve for å vere med.
Britt Elise Skram er musikalsk leiar for spelemannslaget som øver desse datoane:
21. mai kl. 15.30-17.00
11. juni kl.11.00-14.00
6.juli kl.18.00-20.30
19. juli kl.16.00-19.00
Dei som ynskjer å delta bør møte på minimum to av desse øvingane.
Informasjon om kven som leiar danselaget og datoar for øvingane kjem vi tilbake til.
Kvar øvingane vert i fylket bestemmer vi når vi ser kven som vert påmeldte.
Prisen for å delta: 200 kr per person.
Då får du øvingane og gjennomgangsbillett på Landsfestivalen i Førde.