Sjokoladekappleik 2013

FOLKtema for ungdom

Møre og Romsdal har ein rik danse- og speltradisjon. Alt frå reinlender til pariser, skorsk og springar. Spelemennene bak slåttane er mange, over heile fylket har vi hatt spelmenn med sitt unike slåtterepertoar. Gjennom ein kursserie på seks kurs ynskjer Folkemusikkarkivet å lyfte fram seks av desse spelemennene og slåtterepertoaret deira. Dette for å bidra til at ungdom får kjennskap til sine lokale tradisjonar frå Møre og Romsdal. 
I fylket har vi fleire aktive spelemannslag og juniorspelemannslag. Dessverre er det få arrangement der ungdommen kan møtes på tvers av spelemannslagene. Folkemusikkarkivet håper denne kursserien ikkje berre kan være med å lyfte fram eit lite nytta slåtterepertoar, men og at ungdommane får ein moglegheit til å møte andre med same interesser.
Folkemusikkarkivet ynskjer at denne kursserien vil få ungdommene til å bli nysgjerrig på sine eigne tradisjonar, til å utøve den og formidle den vidare til andre.

Informasjon om kursserien finn du og på nettsida til Folkemusikkarkivet for Møre og Romsdal: www.folkemusikkarkiv.no
Kursserien er støtta av Rådet for folkemusikk og folkedans.

Under finn du informasjon om dei to fyrste kursa i kursserien:

1. FOLKtema: Petter Berli

PictureFoto: Storfjordnytt

Petter Berli (1911-1999)
Petter Berli budde og dreiv som gardbrukar på Berli i Valldal heile sitt vaksne liv. Det var alltid mykje song og musikk i barndomsheimen. Petter starta å spele fele i 15-16 årsalderen. Han viste tidleg stor dyktigheit i felespel, og fekk mellom anna rettleiing i felespel av Hans Iversen frå Ålesund. Morfaren, Lars Petter Valdal, spelte mykje ilag med Bolstad, og kunne m.a. spele posisjonsspel. Petter førte arven vidare på framifrå vis. Han spelte mykje klassisk musikk i tillegg til slåttespel, og var medlem av ein strykekvartett i Valldal i mange år. I 1980 tok han initiativet til å skipe Valldal spelemannslag, der han var leiar fram til 1987. Petter vart mykje brukt som spelemann i bryllaup, på dansekurs og andre dansetilstellingar. Han har komponert nokre slåttar og ein del av desse er nedskrevne.  Berli deltok på mange kappleikar og vart honorert for sitt kraftfulle spel og sin gode bogeteknikk.

Instruktør: Ingunn Linge Valdal
Tid: 8. februar, kl. 12-16.
Stad: Stordal frivilligsentral, Sandvikgata 30B.
Pris: 200kr
For Kven: Kursa er for ungdom i alderen 13år+ som er dyktige på sitt instrument.
Ansvarleg: Folkemusikkarkivet for Møre og Romsdal
Påmelding
: Send namn, alder og instrument til folkemusikk@hivolda.no innan 27. januar.

2. FOLKtema - Peter L. Rypdal

PictureFoto: RB

Peter L. Rypdal (1909-1988)
Peter L. Rypdal budde i Tresfjord heile sitt liv, ei bygd med sterkt musikkliv. Han lærte å spele av sin morfar, Jokob L. Kjersem (1862-1944), som var spelemann og regimentsmusikar. Også klarinettisten Nils E. Kjøpstad (1863-1935) var ein god læremeister. Rypdal sykla på besøk til Kjøpstad nesten kvar søndag i ungdomstida for å lære seg gamle slåttar og for å trene seg på å improvisere andrestemmer. 
Han komponerte fleire gode slåttar, og to av bruremarsjane hans blir framleis mykje brukt over heile landet.
I tillegg til folkemusikken hadde Peter stor interesse for klassisk musikk, og spelte både i strykekvartett og var med på å danne Fellesorkesteret (symfoniorkester for Tresfjord og Vestnes). Han var og med på å stifte Romsdal spelemannslag i 1936, eit av dei eldste spelemannslaga i Noreg.


Instruktør: Jorun Marie Kvernberg 
Tid: Laurdag 21. mars, kl. 16-20.
Stad: Ungdomshuset Høgtun i Vikebygda, Volda.
Pris: 200kr
For Kven: Kursa er for ungdom i alderen 13år+ som er dyktige på sitt instrument.
Ansvarleg: Folkemusikkarkivet for Møre og Romsdal
Påmelding
: Send namn, alder og instrument til folkemusikk@hivolda.no innan 10. mars.